Pure Smile 新推出特別印花款Mask：扮歌舞伎、戴舞會面具！2倍透明質酸保濕又得意

睇完面膜狂人范爺嘅《武媚娘》之後，先驚覺，原來美魔女之路係要每年用成千塊Mask煉成的‥‥‥但條咁樣係香港買mask法真係好貴，唯有去日本掃一轉貨啦。相信大家都對Pure mask唔陌生，間間藥妝店都幾乎見到佢，其實佢係日本公司SUN SMILE旗下嘅品牌，產品大多數係韓國製造，款式仲多過innisfree，蘆薈、蜂蜜、珍珠，甚至連蝸牛、蛇毒都有，價錢好似係$100yen左右（視乎款式而定，唔好怪小編唔記得，因為佢太平，係唔需要睇價錢架囉），效果又唔錯，小編次次都會買。

自己用一定唔少得佢啦，但係當手信都好唔錯，因為除左好用，佢仲會定期推出唔同pattern嘅mask，敷起上黎好似戴左面具咁樣，最近係東京原宿藥妝店就搵到兩種迎推出款式：江戶時代全新歌舞伎面膜　同　仮面舞踏会面膜（324円/塊）

，入手送左俾朋友，個個收到都大讚得意呀！

江戶時代全新歌舞伎面膜有超傳統日本舞伎化妝，有2倍透明質酸加上綠茶香味，做手信一流！

仮面舞踏会面膜就超靚，好似化妝舞會咁，同樣2倍透明質酸加玫瑰花香味！

費事post自己個素顏樣嚇就大家，睇住日本網友敷完嘅效果先啦～