超人氣ぐでたま梳乎蛋Café－ぐでたまかふぇ之料理直擊@東京Skytree期間限定開業

最近日本最具人氣的卡通非梳乎蛋(港稱:蛋黃哥)莫屬，連帶香港都出現大量精品。但係梳乎蛋始終係一隻蛋！係要用黎食架！東京Skytree的梳乎蛋Café－ぐでたまかふぇ就係3月20日開業，推出4款睇見都唔捨得食嘅蛋料理。等TraveLa帶你直撃Café現場啦～

Café係Skytree4樓嘅テレビ局公式ショップ 〜ツリービレッジ〜，基本上去買飛同埋參觀完落去都好易見到呢間野。

堂食室內就只有3set雙人位，室外就有3set4人位。

Menu上一共有4款梳乎蛋料理：

ぐでせん(500円)－有兩塊蝦餅，加上生菜絲、煙肉及濃厚醬汁

本來係兩邊夾住一齊食嘅，但係見到梳乎蛋咁可愛，唯有放棄一邊嘅蝦餅，口感又脆又滑，蛋黃一咬落去仲流晒出黎，超好食呀！

ぐでぼう(250円)－蛋同腸仔嘅經典組合

蛋同腸仔做早餐就食得多，但捲埋一齊燒原來係另一種感受，咸香嘅腸仔加上少少脆皮嘅蛋，好味！

ぐでむすび(250円)－玉子壽司

當然唔少得玉子壽司形態出現啦，味道OK，唔算特別。

ぐでみつ(400円)－Vanilla雪糕

普通Vanilla雪糕，加上紅豆蓉、櫻桃同白玉團子，口感豐富，雖然唔係蛋料理，但甜品都唔錯！

TraveLa最推介就係ぐでせん，係人人都會買嘅必食梳乎蛋料理！而且份量又唔係太多，咁可愛，去Café試晒4款都仲得啦～！

由於係期間限定料理，Café只係開業到6月30日咋！