【唔洗搬行李】機場宅配介紹
- TraveLa
- 2015年10月4日
- 讀畢需時 2 分鐘
廉航航班時間不嬲唔係好正常，往往都係凌晨機去，去到一係就半夜，唔係就剛剛天光。唔少人搭都會遇到一個麻煩問題－－行李搬運。
如果細細個行李箱當然冇問題啦，但最衰Check in時間有排未到，大型行李箱唔係度度都有locker放，而且locker係好少，大部份觀光地區locker通常一早就俾人霸左，唔通真係要返左酒店寄行李/放落車站Locker再出去？如果係咁，咁築地市場壽司大條龍你會排到11點都未食到。
（日本大嘅coin locker真係唔多而且又要同人爭)
其實有個非常方便嘅方法－－宅配。宅配係日本已經係非常發達，方便到係便利店(有旗同有LOGO貼係度)都有得收。相信依家都多左好多人係香港見過黑貓宅配(YAMATO)，其實佢同任何速遞公司都一樣，可以幫你送件。小至文件，大至行李一樣可以送。而日本人本身都好善用宅配，所以唔想辛苦自己搬黎搬去又可慳返時間嘅話，最好用宅配。
宅配有幾好？ 以下情況用宅配就最啱： 1. 跨縣咁玩/瘋狂轉車：如果想去第2個遠D嘅縣玩返幾日/交通不便要狂轉車，最好就寄行李(近近地嘅只係1日左右)，方便快捷。 2. 晨咁早凌晨機場，唔想拎住行李超唔方便。 3. 大行李喼 4. 帶老人、小孩同行，行李較多而且不方便拎
由機場寄出嘅話要幾耐先會送到？ 一黎睇你用邊間公司啦，一般黎講，如果同區（例：羽田機場送到新宿酒店），理論上今日寄出要明天早上先會收到。
但係！如果你夠早寄嘅話，小編就試過落機6點幾寄行李，佢地係可以即日送到酒店！係羽田機場嘅YAMATO仲係24小時受理行李寄存架！咁當然，如果你好care可唔可以即日到你可以問左先決定寄唔寄。
機場邊度有得寄？
去機場information counter問佢地たくはい(takuhai)(即宅配的日文)/ Baggage Delivery係邊，佢地就會講你知架喇。
以下公司都有提供宅配：
收費方面大概係點？ 視乎種類、尺寸、公司而定。以一個30吋喼黎計約1800yen左右(JAL)。YAMATO係收費較貴，不過因為收件時間廣，所以都係值得考慮的。
有咩手續？
填一份表格，簡單填以下資料即可－ （下以為YAMATO的Sample，如果唔識填可請職員代勞/參考此網站>>>）
機場名（翼名）、候機樓名、縣名、搭乘航班號、搭乘時間
收件人姓名
發件人郵政編碼
發件人電話號碼
發件人地址
發件人姓名
品名（請填寫具體內容）
請選擇“空港”
搭乘日期
搭乘日期
記得出發前睇清楚機場Counter幾點開可以放，等自己有預算：
記得事先同酒店講返聲話可能會寄行李過黎，做個有禮貌嘅遊客:)
Comments