【靜岡.伊豆.橫濱】6天遊-Day 3(下):中部食.買好地方-靜岡靜岡市
- TraveLa
- 2015年12月12日
- 讀畢需時 4 分鐘

話咁快到靜岡一出站就搵酒店,其實圍住車站都有好幾間,揀左位於間南口嘅酒店,因為聽日去日本平,所以要係靜岡駅搭巴士,呢間叫Hotel Century Shizuoka,景好靚房又夠大。
另一間係北口嘅酒店叫ASSOCIA,係JR站會見到佢個牌,但Century Shizuoka就冇。

酒店係極近JR, 我諗行一分鐘左右啦~

呢個係入口,不過隔離先係主建築物物,有廿幾層,係日本算高了。


今次好好彩住頂樓~同埋呢度D鎖匙真係好鬼靚!

房夠大又夠乾淨!

都幾滿意呢間房^^

有興趣嘅朋友可以睇下詳細介紹>> Hea左陣之後就出去行下街。

係JR附近經過一條地下隧道就過到對面喇~對面商場雲集,又多野食又夠集中,真係好後悔冇plan係度stay多一日。

有間叫浮月樓嘅餐廳,個庭園好出名,雖然個庭園免費參觀,但入去唔食野好似怪怪地吧。



隔離就係Parco,Parco收8點。Parco一向係我最鐘意嘅Mall,夠晒多野行,D衫好靚,男女裝都咁好,差少少又係度破產。


呢間PARCO同名古屋果間咁梗係冇得比。

以下呢幾間衫款都唔錯!




呢間鞋鋪好多款呀‥‥‥又失手。

呢間男裝都唔錯架!

鐘意行CD鋪都一定會有斬獲!

呢度間Franc Franc有呢種裝飾盆栽賣,幾平架!


日本Franc Franc同香港嘅又好似幾唔同喎?好似咩都靚D咁,呢個Rice spoon我又差D入手喇‥‥‥

呢間食放題架,又有啤酒飲~都不失為一個好選擇!好多人等位架!

經過門口有間cafe,display 好吸引,好想去試下,不過已經last order左。

附近其實仲有幾間shopping mall,有Marui,松板屋,109同Cenova,如果只係去靜岡玩嘅,呢度都好夠shop架喇。不過因為我會去橫濱,而個人又認為fashion方面冇地方潮得過東京,所以只係行左陣就走喇。

晚餐方面,原本打算食酒店附近一間comment唔錯嘅壽司店,但呢2日食得太多壽司,轉下口味啦~話說有間食蟹,好大個招牌,同蟹道樂差唔多嘅餐廳,就去試下啦,望到個招牌:A貨蟹道樂?原來佢主要開嘅地方好多都冇蟹道樂,如名古屋,東北,同靜岡等等,價錢同多道樂差唔多。

點左4樣:皇帝蟹,松葉蟹同蟹膏,原本想叫埋toro,但賣晒,改稻庭烏烏冬。
其實唔係好食得出同蟹道樂有咩分別,不過佢松葉蟹乾少少,皇帝蟹好似冇咁甜。唔知係季節問題定係鋪頭問題,不過其實都唔錯架喇。

再黎稻庭烏冬,點汁食,彈牙又滑,平時我晚上唔食澱粉質,但今次個稻庭烏冬堅好食,成個食晒,份量其實夠2個人share食。

蟹膏極香極好食,好快食晒。

如果唔想全部都係蟹,呢間都幾值得推薦架~
食完野都差唔多9點喇,JR站有間Parie好多野食,另外又有GU又藥妝店PLAZA。

PARIE地面果層係係超市,講過好多次去日本唔去超市就走寶了,呢度真係好多野賣。

就係呢度喇!!食彩館!開到九點架!

壽司勁平,質素望落都好唔錯。

可樂餅好推薦大家買,呢間野有幾多唔同口味,買左個芝士豬肉餡。

香蕉大福,唔知好唔好食呢?

水果都好靚好平。見D桃咁平,就買左兩個返去,下次黎日本真係要帶生果刀。


經過食彩館旁有條小路都有幾多野食。咁啱呢間食手羽先嘅臨收前有半價,用200yen左右買左4隻雞翼。買齊野食!再食過!


返到房一拉開簾真係估唔到,靜岡冇咩特色建築物,但夜景都好靚。


擺個陣食野食埋夜景先。

芝士豬肉餡真係好好食,唔會好漏。香蕉大福裡面有大大條蕉,好好味。

一個人嘅旅行,亦都可以好浪漫~哈哈!
相關遊記: 【靜岡.伊豆.橫濱】6天遊-Day 1:靜岡浜松食沼津$86超平刺身!(+酒店介紹)>>> 【靜岡.伊豆.橫濱】6天遊-Day 2(上):東海最大鐘乳石洞.竜ヶ岩洞>>> 【靜岡.伊豆.橫濱】6天遊-Day 2(中):遊濱名湖.大草山展望台>>> 【靜岡.伊豆.橫濱】6天遊-Day 2(下):濱名湖嘆鰻魚飯.濱浜市中心Shopping>>> 【靜岡.伊豆.橫濱】6天遊-Day 3(上):濱松樂器博物館、弁天島食海鮮>>> 【靜岡.伊豆.橫濱】6天遊-Day 3(中):最有氣質的東海名城-靜岡掛川>>>
【靜岡.伊豆.橫濱】6天遊-Day 3(下):中部食.買好地方-靜岡靜岡市
【靜岡.伊豆.橫濱】6天遊-Day 4(下):伊豆下田市溫泉名宿!-伊豆急下田>>> 【靜岡.伊豆.橫濱】之旅-Day 5(上):下田市食記—伊勢龍蝦天丼>>> 【靜岡.伊豆.橫濱】6天遊-Day 5(下):橫濱百萬夜景+全日本最高酒店介紹>>>
静岡PARCO
網址:http://shizuoka.parco.jp/ 地址:静岡県静岡市葵区紺屋町6-7 電話:+81 54-272-8111 營業時間: 星期日 10:00–20:00 交通:JR静岡駅地下道步行3分鐘。
パルシェ食彩館
網址:http://www.parche.co.jp/ 地址:静岡市葵区黒金町49番地 電話:+81 54-255-1081 營業時間:本館10:00 – 20:00 | 食彩館9:30 – 21:00 交通:JR静岡駅 連絡路(食彩館2階)
浮月楼
網址:http://fugetsuro.co.jp 地址:静岡県静岡市葵区紺屋町、葵区紺屋町11−1 電話:+81 54-252-0131 營業時間:午 11:00-13:30 ; 晚 17:00-21:00 交通:JR静岡駅北口歩行3分
Commenti