【估你唔到】日本人聖誕節4大慶祝形式

香港人聖誕可能會行下街，睇下燈節，食下Buffet呀火雞呀、到會咁。日本人同樣都好重視聖誕，不過真係唔講唔知，原來佢地D慶祝形式都幾估你唔到。其實如果你熟識歐美聖誕文化都會知道，會發現好多野都唔係傳統歐美聖誕節會出現嘅：

1. 日本聖誕節其實係日本另一個情人節

唔少聖誕遊日嘅朋友都會有咁嘅感覺（其實香港近年都有少少似，不過冇咁誇張），外國一般都係當家庭節日咁慶祝。但係日本，情侶們會互送聖誕禮物，食聖誕大餐，影相狂曬！唔少日本單身嘅朋友都表示，出到街係好想拎把斧頭‥‥‥不如聖誕去餐廳食返個一人聖誕set，唔少餐廳都會搞活動令單身朋友係呢一日識返個男/女朋友架，可能到情人節同白色情人節就會有人一齊過呢！

2. 去死去死團（死ね死ね団）出動！

講到明係第2個情人節，日本嘅聖誕節又真係太sweet，所以引黎一班冇男女朋友嘅單身人士黎破壞浪漫氣氛。去死團的多數活動係用KUSO、搞笑和幽默形式去表達單身嘅孤單，排斥「商業化」嘅慶祝方式。講到尾，其實都係想表達唔想單身姐。

3. 日本嘅聖誕節蛋糕係－士多啤梨蛋糕ショトケーキ

相信唔少香港人都知道聖誕通常大家係會食樹頭蛋糕？（係源自法國傳統嘅慶祝形式），但原來係日本！佢係地食士多啤梨蛋糕。日本人對士多啤梨蛋糕真係到左狂熱嘅程度，每年平安夜日本人都會買short cake一齊開心食，好多名店都會大排長龍！

4. 聖誕節一定要食－炸雞フライドチキン

小編真的Ｒ晒頭？一般歐美嘅聖誕大餐都會吃火雞、野雞或者鵝鴨等等，但日本.聖誕節一定唔少得嘅就係食炸雞，而且當中有8成都係食KFC‥‥‥好神奇！傳聞有好多，其中一個傳聞就係一個來自外國嘅後生仔去到東京青山KFC表示，因為聖誕節係日本食唔到火雞，所以改食炸雞慶祝，亦係因為呢樣野俾到日本KFC一個Idea，所以1974年，KFC以「クリスマスにはケンタッキー」（聖誕節就要KFC）為宣傳口號，展開大肆宣傳‥‥‥從此KFC伯伯就變左日本嘅聖誕老公公了。完！