食肉獸首選：黑毛和牛腰塚 漢堡牛肉餐廳推介－東京自由之丘

呢間叫做「黑毛和牛腰塚 」嘅漢堡牛肉餐廳，係食肉獸必到嘅地方。本身有出售黑毛和牛嘅精肉店，出售生肉同便當，二樓就係餐廳。齋睇門面嘅和牛已經流晒口水。

棲下有賣黒毛和牛とろ～り半熟味付玉子メンチ（炸黑毛和牛半熟蛋肉丸），咬開有軟林林和牛同流心蛋黃，蛋香重又唔腥，好特別好豐富嘅口感，值得一試。

Menu有 「A4漢堡牛肉餅」及「A4和牛排」兩大類。

漢堡肉餅嘅牛肉味十分濃烈，肉汁多，彈牙有咬感。

碟上放置了一枚發熱石，可以隨時為牛肉加熱或煎至合心意的生熟度。

雖然佢係高級和牛專門店，但係以2,000-3,000円左右就可以食到A4級黑毛和牛漢堡牛肉，物值超高，啱晒又要慳又要享受嘅朋友。

論食物質素、裝修、服務態度，呢間可能已經係東京最好嘅漢堡牛肉專門店～

黑毛和牛腰塚

網址：http://www.koshiduka.com/ 地址：東京都目黒区自由が丘2-12-19 2F 電話：03-5731-1532 營業時間：星期一至五－Lunch 11：30～15：00（LO 14：30）Dinner 17：00～23：00（LO 22：15）；星期六日公及眾假期　11：30～23：00（LO 22：15） 交通：自由が丘駅歩行2分鐘 Tabelog食評>>>