平住日本連鎖酒店: 一人價錢兩人入住

各位好啊…小弟是酒店控的LOUIS KWOK, 今次很多謝網主給小弟機會, 可以在TRAVELA 的網站, 跟大家分享一些預定日本酒店的心得

小弟作為酒店控, 會到世界各地去住唔同的靚酒店, 如果下下都住咁靚, 幾多錢都唔夠住啦.

所以小弟今次入鄉隨俗, 我們介紹日本的酒店, 如何以又平又靚咁住…

大家如果有訂開日本的酒店, (除非假手於男/女朋友), 否則一定知道, 預定房間時, 如果一個人入住跟兩個人入住, 價錢都是不一樣的.

例如:我要5月1入住皇家花園酒店THE汐留

在AGODA.COM內的經濟雙人房, 兩個人入住, 雖要1786港幣

但同一酒店同一房型, 如果一個人入住呢?原來只需要 1608港幣

相比之下1個人入住及2個人入住相差約180港幣 (約2500YEN)

LOUIS KWOK, 我都明白日本1個人入住以及2個人入住房價是有不同, 為了慳錢, 屈蛇咪得LAW.

小弟覺得如果要出去玩, 一定要玩得開心盡興, 如果俾日本人發現屈蛇就真係面懞懞了. 但這個第二位客人的費用, 點樣可以免呢??

其實有一些連所酒店集團, 他們的條款內是包括第二位客人免費呢

例如今天我想跟大家介紹兩個連鎖酒店集團, 希爾頓以及洲際集團

希爾頓集團內有CONRAD/ HILTON/ HILTON DOUBLE TREE等品牌, 而在日本內有境內, 有13間酒店.

而他們的會員福利, 就包括了第二位客人免費 (Second Guest Stay Free)

無論你是一個最高級的會員, 又或者是一個剛剛註册的新會員都可以享有第二位免費之福利.

我們又看看可以慳幾多錢呢??

例如我們想預定6月22日之

那霸希爾頓逸林酒店

2個人入住雙人客房, 連稅價錢是14,291日元 (約$1025港幣)

那麼1個人入住呢?連稅價錢只是11,927日元 (約$856)

中間可慳170元港幣, (對比原價平16%) 原來就算最基本的會員福利, 都可以享受這個福利

LOUIS KWOK, 如果我係HILTON的鑽咭會員, 我如果訂酒店時訂一個人, 但我去到時我的第二位客人可否享受酒店待遇??例如行政酒廊或免費早餐等等

基於這個問題, 我自己EMAIL過HITLON, 他們的客服回覆, 就算訂一個人都好, 第二位客人都可以享受待遇, 大家請放心

第二個要介紹的是洲際集團,

洲際集團旗下有, INTERCONTINENTAL/ CROWNE/ HOTEL INDIGO/ HOLIDAY INN等

他家的普通成員是沒有第二位客人免費的福利,

但是當你成為洲際大使之後, 就可以於洲際酒店內享受第二客人免費

何為洲際大使呢?

他是一個專為洲際酒店而成立之會員制度, 他的福利是可以

住任何洲際酒店可以升一級
提早CHECK IN 及延遲CHECK OUT
每次入住都有歡迎禮物
第二位客人免費

要成為洲際大使, 只可以透過200美金購買或一些推廣活動而獲得

今天所介紹的酒店連鎖集團可能會價錢較貴, 但可以有時間到日本這多姿多采的地方旅行, 住好一點也不為過 (又祈是跟你的最愛一起旅行)

LOUIS KWOK, 如果我又無男/女朋友, 又無錢, 又唔駛享受, 咁有無辦法幫我啊??

小弟會在下一編教大家就算訂平價日本酒店, 如何可以再平多D的方法

記得留意著 TraveLa 以及酒店控 – LOUIS 的FACEBOOK專頁啦

聯合編輯

Louis Kwok：一名熱愛旅遊的打工仔、經典酒店控，愛到世界各地享受靚酒店。每日研究不同酒店推廣優惠/訂房技巧，以達致低成本旅遊，高質素享受。曾經以$500入住澳門Conrad 酒店豪華套房，以$2,000港幣入住4晚倫敦洲際酒店。特別熱衷於酒店BRG (Best Rate Guarantee)，至今已成功BRG 過百次。

FACEBOOK 專頁: 酒店控 - LOUIS