【靜岡．伊豆．橫濱】之旅－Day 5(上)：下田市食記—伊勢龍蝦天丼
- 莎朗愛旅行
- 2016年5月3日
- 讀畢需時 3 分鐘
呢度真係太舒服，瞓到唔想起身，但11點要check out，幾唔想都要起身食左早餐先，早餐又有燒魚，仲可以俾你揀魚，好傳統的和式早餐。
呢個菇好食到一個點~
左邊魷魚我至愛，不過唔係個個接受到佢醃左果陣味。
呢個海藻湯真係好掂，因為加左魚湯煮，成件事真係好唔同。
打死都要食真鯛，唔平架嘛！
琴晚果餐好快入黑，個海景有少少嘥左，今日食早餐睇到就perfect池喇。
返房瞓下飲下茶執下野，再浸多次的家露天風呂真係好正，個池夠晒乾淨，而且浸完之後皮膚好滑，之前去其他地方浸都唔係個個有咁滑，好開心∼
下田大和館，非常推薦大家入住！
Check out完搭shuttle bus去伊豆急下田駅，雖然唔係大站，但locker一樣齊備。伊豆急下田有幾樣野出名，一係海鼠式建築風格，一出JR站向左行就會見到好多年歷史嘅下田時計台，灰灰藍藍底上有一格格白色突起嘅就係喇。
JR站對面的大大條金目鯛icon餐廳網元料理店都係頗出名，價錢會貴少少，另外出名嘅係唐人呀吉、坂本龍馬龍翔之地、充滿京都風情嘅Perry Road同黑船，到日落車時都見到一部以黑船為主題嘅列車，好靚呀。
Keep好行李，去附近行下舊兼搵野食。琴晚係好多海鮮，但冇龍蝦，飲恨中。所以今日一定要食到，呢度好多間都有伊勢海老料理。之前有上過Tabelog搵過， 呢間comment唔錯，去到有見到佢地都有列入tabelog話題食店。
入到去見到一位婆婆，一位大嬸，好家庭式的小餐館，上到去有少少舊，但感覺好溫馨。
就叫伊勢海老天丼，2900yen，lunch黎講有少少貴，如果食魚生飯就一千幾百yen左右，平好多。
但我嘅慾望已經戰勝理智了。
先係自家製漬物，個魚頭真係好好食。原來佢係金目鯛魚頭黎，幾多肉下又好林好入味，話係我成世人食過最好食嘅魚頭真係一D都冇誇張到。
龍蝦湯同龍蝦天婦羅飯
炸龍蝦飯龍蝦肉大舊，雖然只係兩隻，但食完都好飽，過足口癮。
龍蝦湯飲到底會有好多蝦頭嘅膏沈左係度，越飲越鮮甜。
呢間真係好正呀！我會推薦黎伊豆下田嘅朋友黎試下！其實另刺物同金目鯛呢間嘅網上評評價都好高！
行返返去都見到唐人呀吉紀念館同坂本龍馬像。
出發去橫濱，都係兩個幾鐘車程左右，好快就到。
相關遊記： 【靜岡．伊豆．橫濱】6天遊－Day 1：靜岡浜松食沼津$86超平刺身！(+酒店介紹)>>> 【靜岡．伊豆．橫濱】6天遊－Day 2(上)：東海最大鐘乳石洞．竜ヶ岩洞>>> 【靜岡．伊豆．橫濱】6天遊－Day 2(中)：遊濱名湖．大草山展望台>>> 【靜岡．伊豆．橫濱】6天遊－Day 2(下)：濱名湖嘆鰻魚飯．濱浜市中心Shopping>>> 【靜岡．伊豆．橫濱】6天遊－Day 3(上)：濱松樂器博物館、弁天島食海鮮>>> 【靜岡．伊豆．橫濱】6天遊－Day 3(中)：最有氣質的東海名城－靜岡掛川>>> 【靜岡．伊豆．橫濱】6天遊－Day 3(下)：中部食．買好地方－靜岡靜岡市>>>
【靜岡．伊豆．橫濱】之旅－Day 5(上)：下田市食記—伊勢龍蝦天丼
なかがわ
地址：静岡県下田市一丁目12-17 電話：0558-22-0310 營業時間：11:00～22:00 交通：伊豆急下田駅步行5分鐘
相關網站介紹：http://shimoda100.com/restaurant/nakagawa/ Tabelog食評：
Comentarios